Cur Síos chun Gníomhartha Faillí Leighis a Thriail
HC58 | High Court
Treoir de bhun Ordú 36 Riail 2 (c) de Rialacha na nUaschúirteanna
Le héifeacht ón 20ú lá seo de mhí na Samhna 2012 déanfar imeachtaí i leith aon éileamh a dhéanfaidh duine, nó a dhéanfaidh ionadaí pearsanta nó cleithiúnaí ar dhuine marbh, ar dhamáistí i leith faillí, ar shárú dhualgas reachtúil nó ar shárú conartha a thiocfaidh chun cinn ó acht nó ó neamhghníomh ar bith lena mbaineann an méid seo a leanas -
- seirbhís sláinte (lena n-áirítear seirbhís fiaclóireachta ar bith) a sholáthar don duine sin,
- gnáthamh cliniciúil, leighis nó máinliachta (lena n-áirítear seirbhís fiaclóireachta ar bith) a dhéanamh i leith an duine sin,
- diagnóis, imscrúdú nó taighde cliniciúil nó leighis (lena n-áirítear diagnóis, imscrúdú nó taighde fiaclóireachta) a dhéanamh i leith an duine sin,
- comhairle agus eolas leighis (lena n-áirítear comhairle agus eolas fiaclóireachta ) a thabhairt don duine sin,
- cóireáil nó cúram cliniciúil nó leighis (lena n-áirítear cóireáil nó cúram fiaclóireachta) a thabhairt don duine sin, nó
- feiste nó ábhar a ionphlandú sa duine sin ar chúinsí leighis nó ar chúinsí cosmaideacha nó locht ar fheiste nó ábhar atá ionphlandaithe sa duine sin
a chur síos i gcomhair triail i mBaile Átha Cliath.
De bhun Ordú 36 Riail 2 (f) ordaím an treoir seo a fhoilsiú ar shuíomh gréasáin na Seirbhíse Cúirteanna.
Arna dhátú an 20ú lá seo de mhí na Samhna, 2012
Nicholas J Kearns
Uachtarán na hArd-Chúirte
High Court
